Cant Stop Shaking

It aint no lie, I have to tell you how I feel,But each time, I try it gets a little more unreal,You say my name, oh god I can't stop shaking

ماراح تحس بغيري! PARTb

مبارك عليكم باقي الشهر :$ تمر ست شهور على انفصال نوار و خليفه يخطط حق الهني مون بروحه بدون موضي يذكر الاماكن اللي نوار قالتله ودي اروحها معاك وبدون اي تردد وتفكير يختارها حق الهني مون خليفه: موضي انا اخترت امريكا موضي: اللي تشوفه خليفه: اي انا قلت انا اعرفها و ادلها فمكان اعرفه وحلو احسن من مكان ماعرفه موضي: صح خليفه: قلت اخر اسبوع نروح المالديف يقولون تصلح حق هني مون موضي : اوكي يتزوج خليفه من موضي زواج تقليدي حده مليق ، ماحس باي شي واهوا رايح صوبها واهيا على الكوشه واول ماقرب يمها تذكر نوار واعتفس فجأه بس حاول انه يكون شكله طبيعي باس راس موضي وقعد يمها، كان يحس انه الوقت طويل ويبيه يطوف حس انه يبي يقوم وماصدق يوم قام اهوا وموضي بيطلعون اول ماطلعوا .... خليفة: زهبتي اغراضج ترا الطياره الساعه 6 موضي: اي كل شي زاهب خليفه: اي زين موضي:يوعان؟ خليفه: لا كلش نفسي مسدوده باخذ شور وانام عشان ورانا قعده موضي: ........ الف فكره وفكره براس موضي! شفيه هاذا انا مومستحيه كثره شدعوه مو قادر يحط عينه بعييني! تنام موضي وتصحى على صوت خليفه خليفة: موضي يلا الساعه 4 قومي لبسي عشاااان نروح المطار موضي: اوكي يلبسون ويركبون السياره رايحييين المطار وبالطريج تلهى موضي بالاتصالات بامها واختها وتكلم ابوها يوصلون المطار وياااخذ خليفه البوردنج ويسافروووووووون تفكر نوار بمشرووع ياخذ وقتها وتقترح الفكره على زينه اللي تأيدها زينه: اييي نوار بالكويت ما يمشي الا الكافيه والمطاعم يا تيبيين فرانجايز او اذا عندج نيو ايديا يكون احسن بعد نوار: اي عندي ايديا ابالي من زمااااان ، وبشوف شيصير بقول حق ابوي زينه: ايي زين شوفي شيصير وكلميني تكلم نوار ابوها اللي يوفاقها على الفكره ويبدون بالتنفيذ والحوسه على المكان والموقع وتجهيز المكان والديكور تلهى وااااااااايد واغلب وقتها يكون حق الكافيـه .... وعقب جم شهر تقتتحه والحمدالله كان مشروع وااايد ناجح واغلب الناااس حبوه والفكره كانت وايد cReative وناجحه هالشي دخل بقلبها الفرحه وخاصة عقب تجربتها مع خليفه .... تمر الايام وتنخطب نوار ! في البدايه كانت مو متقبله الفكره لكن عقب ما قعدت مع الولد حست بانجذاب غريب صوبه تصلي صلاة استخارة وتدعي ربها انه اذا كان فيه خير لها يقربه منها تحس براحه ، تقول حق امها انا موااااافقه !!!!! يوم الخميس ... خليفه: موضي انا توني طالع من الدوام رايح بيت يدتي الغدا هناك مو تنسيييين موضي : اوكي اطلع من الدوااام وايي ان شاله يدش خليفه ويسلم على الكل ام خليفه: وين موضي خليفه: يايه بالطريج توهاا طالعه من الدوااااام ، وياخذ جريده ويقراهااااا غيداء : هاااو خالتيييييي تعرفين فلانه الفلانيه ؟ ام خليفه : اييي هاذي امي بنت خالت امها غيداء : اي ولدها فهد خطب ام خليفه: شدرااج؟ غيداء: دازيلي مسج توه! ام خليفه: اذبحونااا بالمسجاات ، اقريه اقريه غيدااااء : اللهم بارك لهما واجمع بينهما على خير تمت خطبة نوار سليمان الــ ....... امها شيخه الـ ...... على فهد عبدالمحسن الـــ امه لولوه الـــ الله يوفقهم يسمع خليفه الخبر ، مايستوعب غيداء شنو تقول ، يحس برقعه بقلبه ويسأل غيداااء خليفه: غيداااء بيلز ردي عيدي المسج غيداء: ليش تعرفه؟ خليفه: اي اي منو خطب من بنته؟؟ غيداء: خطب نواااار سليمان الـــ عمر : ايييي يحليله فهد انا اعرفه والله خوش ولد انا اعرفه عدل اخوه بدر رفيجي من عمر يتعومس خليفه مايدري شيسوي ، يحس انه الدم وقف مو قاعد يشوف ولا يسمع، شلون نوار اتزوج؟ هاذي حبيبتي انا!! ، شلون ترضى بغيري!!! تدخل موضي وتسلم ، واول ما تقرب من خليفه يحس جنها معطيته سطاار صحاااااااااه ، سطااار ذكره انه اهوا صاارله سنتييين و3 شهور متزوج!!!! ينادي خليفه امه ... خليفه: شفتااي !!! ام خليفه: شنو اشفت ؟ خليفه: نوار! اللي انا ابيها كاهي خذت واحد منا!!!! ام خليفه: الله يوفقها نصيبها خليفه: مو انتي تقولين احنا غير واهيا غير شلون خذت فهد عيل ام خليفه: خليفه هاذا نصيب وانتا كااا خذيت موضي احس من نوار خليفه: شاحسن منها فيه يماا! ترا اتني ما تدريين عن شي انا و موضي ما بينا حتن كلام انا مو مستانس معاها ام خليفه: يلا عاااد عن الخرابيط شنو اللي مادري عنه! شيل هالخرابيط من بالك انتا ريالل متزوج واللي صار صار بس يبلع خليفه ريجه بحرقه ، يذكر كل كلمه قالها حق نوار! يذكر اخر شي بينهم صار ، شلون جرحها وشلون عاملها، حس انه ماعرف قيمتهااااااا تتزوج نوار من فهد ، تعيش معاااااااه حياة سعيده ، يغمرها بحنانه ، يحسسها انه اهيا احسن شي صارله بالدنيا ، تشكر ربها على فهد، تحبه ويحبها ، يعيشوووون احلى قصة حب ... حست نوار بمعنى الحب مع فهد ، حست انه فهد حبها لشخصها وانه مو ناطر منها اي شي غير انها تكون زوجه يلقى عندها الرااااحه ، لكن نوار كانت اكثر من هاذا كانت الام والزوجه والاخت والحبيبه وام عيالـه بعد يقترح فهد على نوار انها تمسك شركه من شركاتهم بما انه اهيا عندها الخبره واهوا متأكد من نوار توافق نوار ..... خلال الاجتماع الاول لنوار مع موظفين الشركة ورؤساء اقسامها يتفاجئ خليفة انه مديرتهم اليديده اهيا حبيبته السابقه، تلاحظ نوار وجود خليفه ولكنها لا تشعر بشيئ! بهاليوم عرف خليفه انه حياته امه اللي رسمتها حقه ! عرف انه عمره ماكان يبي هالحياة ! عرف معنى كلام نوار لما كانت تقوله الحب ايييي مره وحده يا تتمسك فيه يا اضيعه وماتلقاه طول عمرك فكر شلون حياة نوار صارت كامله وحياته ناقصها اهم شي عرف انه اهوا ماقام يعني لنوار اي شي وانه اهوا عمره ما حس بغيرهااا عرف انه اي لحظة حلوة مع موضي تمنى لو نوار كانت معاه بداااالها !!!!! تمت NOTE: MY 1ST STORY I FEEL LIKE CHNA ILQISA FIHA IKHTSAR WAYD ABI RAYKM BSARA7A AY INTQAD SALBI AW EEEJABI ;)

ماراح تحس بغيري! PART a

هل الحب مستحيل ان يكتمل؟

تعلمنا ان لحظة الفراق قادة لا محالة اما بالموت او باي طريقة اخرى

لماذا تكون لحظة الفراق مؤلمة لطرف واحد فقط؟

نوار : الو زينه ! وينج
زينه : شفيج شفيه صوتج
نوار: انتي وينج الحين
زينه: بالبيت شصاير
نوار: تعالي مريني خنروح ستار بكس
زينه: صاير شي مع خليفة صح؟
نوار: .....
زينه: نوار ! ردي علي خليفة صح؟
نوار: اي
زينه: يلا بس لا تبجين كاني يايتج اوكي حبيبتي
نوار: اوكي

نوار بنت عشقت خليفة لدرجة انها لم ترد شيئا سواه ، رسمت احلامها معه ، جعلت حياتها قصة كان خليفة بطلها ، عشق هو جمالها ، عشق شكلها لكنها عشقت روحه عشقت قلبه عشقته هو

زينة : يلا نوار نزلي انا تحت
نوار: يلا زيون كاني
زينه: ها وين تبين
نوار : مابي انزل مكان تكفين بس امشي بالسياره مالي خلق اشوف احد
زينه: ان شاله
نوار: زيون فيني بجيه! راسي يعورني والله زيون مو قادره اطلعها
زينه: ابجي نوار ابجي عشان ترتاحين
نوار: موقادرة :( مادري ليش دموعي مو راضيه تنزل
زينه: انزين قوليلي شصاير بالضبط
نوار: خليفة قالي بليز نوار dont call me any more!
زينه: ليش بعد شصاير
نوار: بيتزوج
زينه: .....
نوار: انا مو متكدره انه بيتزوج لا زيون مو جذي السالفه بس ليش يواعدني باشياء ويقولي كلام ولما اقوله الكلام يقولي شسوي هاذا اللي صار
زينه: من صجه هاذا؟ حاصله وحده تحبه جذي ؟ جان قلتيله جان فهمتيه
نوار: زيون شفيج شقول ؟ اهوا بايع مايبيني اقوله وافهمه بشنو ؟ تبينه يقعد معاي واهوا مايبيني
زينه: لا شكو لا تقوليله اقعد فهميه انه صعب يلقى الحب الحين! وانتي حبيته اهوا ماحبيتيه عشان امه ولا عشان فلوسه ولا عشان شي
نوار: يدري .. يعرف كل هاذا اهوا ! زيون انا ماييت بيوم وقتله تزوجني ولا تعال اخطبني! عمري ماسويت هالحركات ولا حتن يبت طاري الزواج
زينه: ادري واله ادري
نوار: زيون اهوا اللي بطل الموضوع اهوا اللي قالي انا مابي غيرج وانا ابي ارتاح واستقر معاج انتي
زينه: اهوا لما دق شقالج بالضبط
نوار: قالي نوار بقولج شي قتله شصاير قالي انا كلمت امي وقالتلي انه انتي ماتصلحينلي وانه احنا غير عن بعض واهيا اخطبتلي وحده وانا شفتها
زينه: شافها! اي شي!!! قالج انه بيشوفها
نوار: لا شفيج كل هالكلام مره وحده قاله ، قالي نوار انا كبير مو صغير لازم اتزوج واستقر بليز لادقين اوكي
زينه: اففففف! شرديتي
نوار : قتله وانا؟ قالي خطابج واااايد! تذكرين فلان وفلان وفلان اللي تقولين انهم اخطبوج؟
زينه: شقصده بخطبوج بالله!
نوار: خليفه عباله انا اجذب عليه ، عباله انا اقوله جذي عشان ايييلي تخيلي زيون يقولي اصلا هذول نفس مستواي وكل شي يعني هم اهما لازم يتزوجون من نفس مستواهم على ما اعتقد!
زينه: هااااو! وانتي اشفيج بالله شنو مستواج ان شالله! خيولي قليل ادب جان رديتي عليه وقلتيله اذا انتا اصيل انا اصيله بعد واذا عندكم فلوس احنا مو قاصرنا شي!
نوار: لا زيون ماله داعي اقوله هالشي! يدري ويعرف انا شنو بس كيفه مابي افكر بالسالفه
زينه: قلتي حق سلمى؟
نوار: لا شكو اخرع البنت! ادقلها مكالمه واعفسها لييش
زينه: ايه صاجه


تمضي الايااااام وتحس نوار بمرارة الانفصال عن خليفة ، تحس ببرودة احشائها ودقات قلبها الثائره كل ما تذكرت شي بينهم ، تحاول تشغل نفسها مع اهلها ،، تسااافر سفرة طويله غاب عنها صوت خليفة ، غاب عنها رنة المسجات الي ماتسكت ، تشغل نفسها طول اليوم لكن من تحط راسها عالمخده ماتذكر غيره تسيل دموع حاره على خدهااا وتغمض عينها وتنااااااااااااااام


يتبع

ما أصعب ان تحب !

(1)قـــــــال لــــهـــا أحــــبـــك.. فــأغــمـضـت عــيـنـيـهـا نـــشــوة.. وحــيــن فـتـحـتـها..لم تــجـده أمـامـهـا..

(2) قـــــــال لــــهـــا أحــــبـــك.. فـــمــنــحــتــه عــيــنــيــهــا.. وحــيــن رأى الـدنـيـا بـشـكـل أوضـــح.. اكـتـشـف وجــود أخـريـات أجـمـل مـنـها.. فـــعــشــق امــــــرأة ســـواهـــا!

(3) قــــالـــت لـــــــه أحــــبـــك.. فكانت تزرع في صباح كل يوم وردة حمراء في طريقه.. وكــان يـقـطف الـوردة فـي مـساء الـيوم ذاتـه لـيـهديها لأمــرأة أخــرى قــال لـهـا أحـبك!

(4) قــــالـــت لـــــــه أحـــبـــك .. فــــــــــــازداد ثــــــقـــــة.. وفـــــــــــــخــــــــــــرا.. وتــضـخـمـا وانــتـفـاخـا وغـــــرورا.. وانــفـجـرت ذات يــــوم فـــي وجــهـه فــــشـــوّه أجـــمـــل مــافــيـهـا!

(5)قــــالـــت لـــــــه أحــــبـــك.. وأوصـــتـــه بــكــتـمـان الـــســر.. فــنــشـر الــخـبـر بــيــن رفــاقــه.. ومـنـحهم تـذاكـر مـجانيه لـلدخول الـى حـياته.. ومـتـابعة أحــداث حـكاية عـاطفية بـطلها .. هو!

( 6)قـــــــال لــــهـــا أحــــبـــك.. ومـــنــحــهــا وردة حـــــمــــراء.. فــمــنـحـتـه عــمــرهــا كـــلـــه.. وعــاشــا تــجـربـة حــــب جـمـيـله.. ومـــع مـــرور الأيــام فـشـلت الـتـجربة.. فــــخـــســـر هــــــــــو وردة.. وخـــســـرت هــــــي عـــمـــرا..!

(7)قــال لـهـا فــي الـصـباح الـبـاكر احـبـك.. فـطـارت وحـلـقت بـأجـنحة الـخـيال فـرحـا.. وهـمـس فــي اذنـيها فـي مـساء الـيوم ذاتـه.. انـنـا يــا حـبـيبتي فــي الأول مــن أبـريل.. فـسـقطت عـلـى أرض الـواقع..وانكسر الـجناح.!

(8)قـــــــال لــــهـــا أحــــبـــك.. وتــــــــــزوج بـــــاخـــــرى.. فـأدركـت أن الـحـب لــدى الـبـعض شــيء.. والـــــــزواج شــــــي آخــــــر.!

(9) قـــــــال لــــهـــا أحــــبـــك.. فـأنـت اجـمـل امــرأة رأيـتـها فــي حـياتي.. فــوثــقـت بـــــه ثــقــة عــمـيـاء.. ومــنــحــتـه بــــــلا حــــــدود.. وفي غمرة سعادتها به انسحب من حياتها كلصوص الليل.. فـاكـتشفت أنـها أغـبى امـرأة رآهـا فـي حـياته!

(10) قـــــــال لــــهـــا أحــــبـــك.. وأخـــلـــص لـــهـــا بـــإصــرار .. فــخــانـتـه بـــالإصـــرار ذاتـــــه.. فــطــلـقـهـا بـــــــلا تــــــردد .. وأصـبـح يـخـون بـعـدها كــل امـرأة يـلتقيها!

(11) قــــالـــت لـــــــه أحــــبـــك.. وخـــشـــيـــت أن يــقــتــلـهـا ردّه.. تـأخـر عـليها فـي الـرد كـثيرا..فقتلها الانـتظار!

(12) قـــــــال لــــهـــا أحــــبـــك.. وســأمــنـحـك طـــفـــلا جــمــيـلا.. فـكـانت تـتـحسس بـطـنها فــي كــل يـوم.. وتــحــلــم بــالــطـفـل الــمـرتـقـب.. ولــيـلـة الـبـارحـة تـحـسـست ظـهـرهـا.. فــوجـدت خـنـجـر الـغـدر مـغـروس فـيـه!

(13) قــــال لــهـا فـــي لـحـظـة الـــوداع.. أحـــبـــك ..وســأحــبــك لـــلأبــد.. ولـــــن أنـــســاك مــــا حــيـيـت.. وبــعـد ســنـوات (قـلـيـلة)التقاها صــدفـة.. فــحــدّق فــــي وجــهـهـا طــويــلا.. وســـألــهــا مـــــــن تـــكـــوني!

اسمح لي !

أسمح لي أنسحب من حياتك بنسحب

غيرك أعترف قدرفهمني للآسف أكثر

اللي بغيته منك شفته بعيد عنك

صبرت و الصبر مل تعبت أنتظر حل

لازم أبتعد لازم صبرت أكثر من اللازم

بترك هواك برحل بكره تجي تسأل

تلقاني في هوى ثاني يقدرني و يهواني !!! ;)

:)

السلام عليـــــــكم ..

كنت اكتفي بالدخول وقراءة مدونات الغير ،، بس الحين حبيت اشاركم :)